Kalibo, Aklan – Mas pa nga maga istrikto rong Department of Environment and Natural Resources (DENR) sa pagbutang it sewerage treatment plants kung tanan nga establisimiyento sa isla it Boracay.
Suno kay Environment Secretary Roy Cimatu nga kahit maskin nagpaguwa eon it inisyatibo rong local government, bukon man it epektibo nga naipatupad rong ordinansa para kara.
Dugang pa ni Secretary Cimatu, pagasiguraduhon it Boracay Inter-Agency Task Force rong enforcement it mga ordinansa para masiguro nga nag agi sa tamang ‘treatment process’ ro mahigko nga tubi bago raya ipaadto sa gadat.
Ginpahayag pa gid ni Cimatu nga ‘non-negotiable’ rong isyu sa pihak it mga nakataeanang re-opening it Boracay sa Oktubre 26 o an-um nga buean maapos rong ‘shutdown’ period para sa rehabilitasyon it island destination it nasyon.
Samtang, angot mat-a sa reklamo it mga business owners sa isyu it sobrang mahae rong pagpatindog it individual o cluster sewerage treatment plants.
Ginhambae ni Cimatu nga rong Development Bank of the Philippines ag Landbank of the Philippines hay
haum nga magbulig sa konstruksyon it mga planta.
Pinaagi suno kana sa daywa ka government financial institution hay uwa it magiging ‘palusot’ro mga business establishments sa Boracay para nga indi sundon rong demand kanda it mga natungdan.
