KALIBO, AKLAN — Gin deklara rong isla it Boracay bilang pangaywa sa mga pinakamanaming isla sa Asya suno sa report it Travel and Leisure magazine.
Base report it nasambit nga magazine ko Hulyo 11 ginpahayag nanda nga rong isla it Boracay hay kilaea sa ginatawag nga “pristine white-sand beaches, coral reefs” pati eon ro tumaeagsahon nga marine life kaibahan man rong isla it Panglao, Cebu ag Luzon.
Nagapanguna gihapon rong Palawan nga gindeklara man bilang number 1 sa world’s best island.
Kaeakip man sa top 10 rong Bali, Indonesia; Panglao Island sa Pilipinas; Maldives: Cebu; Puket ,Thailand; Luzon; Sri-Lanka at Koh Samui sa Thailand.
Ro nasambit nga pag rate sa mga lugar hay halin mismo sa mga readers nga kung sa siin ginbase nanda sa mga makit-an sa lugar kapareho kung atraksyon, beaches, pagkaon, aktibidad ag over-all value.
Matandaan nga rong isla it Boracay hay nag pangatlo sa listahan it mga best island sa bilog nga kalibutan ko kan-o eamang.
