Kalibo,Aklan – Gina ingganyo makaron it Department of Labor and Employment (DOLE) ro linibong mga trabahador nga naapektuhan it temporaryong pagsara it Boracay nga magbuoe it assistance package nga ginatao it gobyerno.
Suno kay Labor Secretary Silvestre Bello III, umpisa abi sa 19 libong rehistradong trabahador sa Boracay hay sa 3, 600 eamang ro nga apply kanda sa programa.
Kaeakip sa mga bulig nga mabataon it may kapin tatlong libong trabahador hay P4,200 nga bueanang financial sa sueod it an-um nga buean, magapaidaeom sa skills training ag para makakita it trabaho.
Panawagan it DOLE hay para sa sa mga trabahador nga una sa formal sector.
Ro mga intresadong aplikante hay ginakinahangean eamang nga magsumite it BEEP AMP Application Form, certificate of employment, ID nga isyu it gobyerno, pamatuod nga may account sa Land Bank of the Philippines sa DOLE Regional Office 6 o sa mga field office it ahensya.
Para mat-a sa mga informal sector ag mga indigenous people, nagatao rong DOLE ir emergency employment nga napueong adlaw nga community work.
