Target makaron it Municipal Social Welfare and Development Office (MSWDO) Malay nga himuon nga maging human-trafficking free ro isla it Boracay.
Daya hay para maprotektahan do mga taga isla eabi eon do mga inunga bangod man ngani sa naga kasari-sari eon nga mga tawo ro naga-istar ag naga suoed sa Boracay.
Suno kay Social Welfare II Madel Dee Tayco Schonenberger, padayon do andang public awareness campaign sa isla kaangot sa human trafficking ag child sex trafficking para maging free ro status kara it Boracay.
Nakataeana man sanda nga maghimo it forum kaibahan do mga concerned agencies kung siin anda nga paga-istoryahan hay ro Children’s Right, Anti-Bullying ag Child Sex Tourism.
Kaangot kara ging klaro man ni Schonenberger nga uwa it kasong human-trafficking sa isla it Boracay makara nga dag-on kung siin gusto nanda nga maging padayonon do zero case it human trafficking.
Samtang may anda man nga mga diskusyon nga gina himo pamaagi sa pagtao it awareness sa mga Indigenous people, miyembro it mga 4P’s ag eskwelahan sa Boracay.
