Brgy. Angalan Kapitan: ‘No Bakuna, Transaction’ policy usa ka ‘honest mistake’

41
Davao City – Aminado si Barangay Angalan Kapitan Rogelio Ico nga iyahang sayop ang pagmugna og palisiya nga ‘wa’y bakuna, di pagawson ug no vaccine, no transaction’ sa maong barangay sa Tugbok, Davao City.

Sa interbyu sa DXDC RMN Davao kang Kapitan Ico, gisulti niini nga sa iyang pagmugna sa maong palisiya, wala niini nakita ang Republic Act (RA) 11525 nga nakalatid sa Section 2 nga dili pwedeng himuong rekisitos ang vaccination cards diha sa government business transactions.

“Honest mistake tungod kay wala koy gibasehan. Nakita nako ang RA 11525 akong gibakwi. As a subordinate, as a verbal instruction by the President of the Philippines, ordering to the barangay captain nga ipa-implement ang iyang gusto nga mahitabo. So, mao ‘tong naghimo ko’g memorandum for implementation pero wala nagka-coincide sa RA 11525,” sulti ni Ico.

Nasabtan usab ni Kapitan Ico ang punto ni Davao City Mayor Sara Duterte-Carpio nga dili angay i-discriminate ang mga dili bakunado tungod kay walay balaod nga naghimong mandatory sa bakuna.

Samtang, padayon gihapon ang panawagan sa Brgy. official sa iyang mga residente nga magpabakuna ug mokooperar sa kampanya sa gobyerno batok COVID-19.

RadyoMaN Kirby Manzon

Facebook Comments