Composite sketch ni NPA leader Casilao gipagula, P5.4M reward money gihanyag

47
Davao City – Aduna nay gipawas nga composite sketch ang otoridad ni Eric Jun Casilao alyas Elian/Wally, ang Communist Terrorist Leader sa Southern Mindanao nga padayong ginapangita sa militar nga aduna kini P5.4 million nga patong sa ulo.

Ang maong hulagway, nagbase sa rebelasyon sa kanhi high-value individuals nga nahimong kauban ni Casilao sulod sa Communist NPA Terrorist movement.

Positibo si Army Captain Mark Anthony Tito, Spokesperson sa 10th Infantry Division (ID), nga ila usab nga masikop si Casilao human nga ilang na-neutralisa atol sa engkwentro si Menandro Villanueva’s (Ka Bok) nga number 1 Most Wanted CPP/NPA/NDF (Philippines-New People’s Army-National Democratic Front) Leader sa Mindanao.

Si Casilao, 46-anyos mao ang Secretary sa Southern Mindanao Regional Committee (SMRC) sa CPP-NPA diin kini katapusang nakita sa Davao de Oro ug wala pa kini nagawas sa probinsya subay sa intelligence report sa awtoridad.

Ang naasoy nga notorious CPP-NPA leader nag-atubang sa kasong kidnapping, serious illegal detention, ug two counts of murder.

Gipanawagan ang publiko nga i-report sa 09177706029 / 09219033287 kung sila adunay kasayuran labot sa maong wanted person.



RadyoMaN Kirby Manzon

Facebook Comments