Davao City – Gikatakdang magpahigayon og misa ang Buhangin Central Elementary School ugmang adlawa alang sa ilang tulo ka batang estudyante nga namatay human nalumos sa ilang pagpangaligo og sapa sa may Sitio Liloan, Barangay Mandug, Buhangin District ning siyodad.
Sumala ni Principal Mary Gemaine Alberto nga magsugod ang mass nga himoon sa school gym 8:00 sa buntag ugmang adlawa nga tambongan mismo sa mga Pamilya ug mga Kabanay sa tulo ka mga biktima, ug mga magtutudlo, ug uban pa.
Naglikay una si Alberto nga mahinabi sa news team mahitungod sa lapses kon kakuwangon sa ilang siguridad maong nakagawas sa eskwelahan ang tulo nga wala mabantayi sa guwardiya.
Gipasabot pa niini nga magpatawag pa kini og panagpulong uban ang medical team, ug uban pa ug dugang pa ang iyang pag-atender sa ubang concern sa grade 5 ug ang concern sa eskwelahan.
RadyoMaN Joel Viray
Facebook Comments
