Bunawan PNP: Rider nadisgrasya patay posibleng nakatulog

Davao City – Gihulat pa sa Bunawan Police Station ang resulta sa death certificate kung naka- inum ba ang rider nga si Archie Alvarez, hingkod ang edad, taga Purok 4, Santol La Filipina Tagum City, human nadisgrasya niadtong alas 3:00 sa kadlawon Biyernes, Disyembre 16, 2022 sa Daang Maharlika, National Highway, Lasang, Davao City.

Sa interbyu sa DXDC RMN Davao kang Police Major Robel Saavedra, Station Commander sa Bunawan Police Station, posibleng nakatulog ang rider hinungdan nibangga sa ulo nga bahin sa Isuzu truck nga gimaneho ni Joel Dela Cruz Dacotan, 42 anyos, taga Purok 1 Brgy. Pangantokan, Bukidnon.

Segun ni Saavedra, base sa ilang gihimong initial nga imbestigasyon, ang rider padulong sa south bound samtang ang truck padulong sa norte nga bahin. Human sa disgrasya nadala pa ang rider sa Southern Philippines Medical Center (SPMC) apan gideklarang dead on arrival sa attending physician.

“Na settle na sila both side, nag-ingon ang driver sa truck nga nadisgrasya ra mani ug motabang sila. Dawat pod sa pikas, nagka settle na sila,” saysay ni Saavedra.

RadyoMaN Don Pulayao