Davao City – Sugod sa pagtagay sa ilimnong makahubog nga misangko sa panaglalis ang motibo sa pagdunggab sa usa ka 36 anyos nga lalaki natigayun alas 5:00 sa buntag sa may Reyes compound Bunawan district ning dakbayan.
Sa report gikan sa kapulisan sa Bunawan, naila sa pangalan ang biktima nga usa ka Ricky Salandre Labrado usa ka trisikad driver samtang ang suspitsado ginganlag Jackson Ducasi Balbuena,40 anyos pariho nagpuyo sa nasampit nga lugar.
Sa pag-imbistigar ni PO2 Lebris, ang biktima ug ang suspitsado nag inum sa nasampit nga lugar dungan sa pagsaulog sa kapistahan niadtong tungora nagkalalis ang biktima ug suspect wa kabantay ang biktima nga nikuha na diay og kutsilyo ang suspitsado dayun dunggab tumong sa likod sa lawas sa biktima hinungdan nakaangkon ug daghang samad dinunggaban diin human sa hitabo daling gitabang ang biktima pinaagi sa 911 ug gilayun gidala sa Southern Philippine Medical Center samtang padayun pa giatiman sa mga attending physician.
Sa gilusad nga follow up operation sa kapulisan, nasikop ang suspect ug narecover ang usa ka kutsilyo adunay gitas on nga dose ka pulgada nga maoy gigamit sa suspek.
Kasamang Don Pulayao
