Davao City – Nagtagana og duha ka mga bus ug tour guides ang Davao City government alang sa mga delegado sa Palarong Pambansa 2019 nga buot mulaag sa syudad.
Sa iSpeak forum, gibutyag ni Assistant City Administrator for operations Atty. Lawrence Bantiding nga sugod karong Abril 28, 2019 mamahimong maka-tour na og sugod ang mga delegado.
Apan giklaro ni DepEd-XI spokesperson Jenielito Atillo nga human sa Palaro karong May 4, 2019, kinahanglan nakauli na ang tanang delegasyon sa matag lugar apan og buot pa nila magpabilin aron mulaag, kinahanglan niini magpirma og waiver aron mawala kadtong responsbilidad sa delegation head.
Sa pikas bahin, giingon ni Atty. Bantiding nga andam na ang aquatic center alang sa swimming activities sa palaro gani giinspeksyon usab kini sa mga technical officials sa Philippine Sports Association aron masiguro nga luwas kini gamiton.
RadyoMaN Renz Barbarona
