BYAHENG SIQUIJOR-DAPITAN, HAPIT NA!

Daghang mga netizens ang nalipay human gi-anunsyo ni Governor Jake Vincent Villa sa Siquijor pinaagi sa iyang Facebook page kabahin sa plano sa bag-ong rota nga Lazi-Dapitan-Lazi.
Malipayon usab si Mayor Seth Frederick “Bullet” P. Jalosjos ug matud pa niya garbo sa Dapitan nga anaa ang panag-uban sa lalawigan sa Siquijor diin lambo ang ilang turismo nga lakip sa giprayoridad karon sa Department of Tourism (DOT) kauban sa Bohol ug Siargao.
Gipaningkamutan usab ni Governor Villa nga mas modaghan pa ang mga rota sa barko nga magbyahe paingon sa ilang probinsya mao nga nalipay siya sa diskusyon nila Mayor Bullet Jalosjos nga adunay plano sa bag-ong rota nga Lazi-Dapitan-Lazi.
Giila ang syudad sa Dapitan nga usa ka bantog nga dapit diin nadestiyero ang nasudnong bayani nga si Dr. Jose Rizal sulod sa upat ka tuig.
Ang Siquijor usab gatanyag ug talagsaong dapit ug talan-awon diin paspas nga nahimong usa sa pinakasikat nga destinasyon sa mga turista sa tibuok nasud.
Gipaningkamotan karon ni Governor Villa ug Mayor Bullet Jalosjos nga mapadali kini aron mas sayon ang byahe sa mga gustong mobisita sa ilang pamilya ug musuroy sa Dapitan ug Siquijor.
Facebook Comments