Nag-plead “not guilty” si Mayor Katrina Marie Mortola sa Cabadbaran City, Agusan del Norte samtang nagduso usab ug motion to reset hearing si 2nd District Agusan del Norte Congressman Erlpe Amante pinaagi sa iyang abogado sa kasong VAWC nga gipasaka ngadto nila ni Mrs. Judy Amante.
Kaganinang buntag, miadto sa Cabadbaran City Regional Trial Court, Branch 34 si Mayor Mortola kauban ang iyang abogado para sa arraignment sa maong kaso.
Pagkahuman sa arraignment, mibiya gilayon ang mayor sa korte.
Sigun ni Atty. Gilbert Paulo Ocampo, abogado ni Mrs. Amante sa motion nga giduso sa kampo ni Cong. Amante mihangyo kini nga itakda sa Oktubre 2, ang arraignment sa kongresista.
Facebook Comments
