South Cotabato – gisikop sa mga personahe sa Tboli municipal Police Station ang usa ka miyembro sa Cafgu nga matud panagpabuto ug pusil Setyembre 27 sa Purok Tanco II, Barangay Poblacion, Polomolok.
Giila ang suspek nga si Met Agnon Sulan, 56, minyo, aktibong miyembro sa Cafgu ilawom sa 27th Infantry Battalion sa Philippine Army ug residenti sa samang lugar.
Sa inisyal nga imbistigasyon gibutyag nga nagpabuto ug pusil ang nasangpit nga gikaalarma sa mga residenti.
Tungod niini gilayon nga mireport sa buhatan sa kapulisan ang nagpakabanang residenti nga miresulta sa pagkasikop sa nasangpit.
Nakuha gikan sa iyang posisyon ang usa ka homemade single shot caliber 5.56 pistol, usa ka fired cartridge ug tulo ka buhing bala. Sa karon padayon ang gihimong imbistigasyon kalabutan sa maong insidenti.
