Padayon nga makasinate sa pag-ulan ang syudad sa Cagayan de Oro.
Kini tungod sa Bagyong Amang nga naa sa Surigao City, Surigao del Norte ug dunay kakusgon nga 45 kph ug paglihok nga 10 kph kaganihang alas tres sa kadlawon.
Tungod niini, makasinate sa kasarangan hangtud sa kusog nga pag ulan ang Northern Mindanao.
Gipahimangnoan usab ang mga nagpuyo kilid sa mga sapa nga mag-alerto sa posibleng pagsaka sa lebel sa tubig.
Kini gilangkuban sa mga sapa nga naa sa Iponan, Lower Tagaloan, Alubijid, Odiongan, Gingoog, Balatocan ug Cabulig sa Misamis Oriental.
Samtang, gipa-alerto ang mga nagpuyo sa Upper Tagaloan ug Upper/Eastern Cagayan, sa Bukidnon, Mandulog, Agus, Liangan ug Maranding sa Lanao del Norte; Clarin, Palilan ug Aloran sa Misamis Occidental ug isla sa Camiguin.
