TACLOBAN CITY – Waray plano an Police Regional Office 8 nga igrelieve an ngatanan nga mga kapulisan ha Calbayog City, Samar ha pagka yana.
Sumala kan PNP Regional Director Chief Supt. Dionardo Carlos, waray hira nakikit-an nga rason para igrelieve an mga kapulisan ha nasabi nga syudad para yana nga May 2019 elections.
Pero dugang ha pamahayag ni Carlos, mayada pa posibilidad nga marelieve an mga ini ha mga masunod nga bulan.
Durante han turnover of command para han Chief Of Police han Calbayog, naghyangyo hi Mayor Ronald Aquino ha mga opisyal han pnp nga ayaw ig-assign ha iba nga units an mga kapulisan ha nasabi nga syudad.
Witness mismo hi Aquino han turnover of command tikang kan Supt. Alberto Garcia ngadto kan Supt. Joie Pacito Yape, Jr.
Sumala kan Aquino, mas maupay kun magpapabilin an mga kapulisan han Calbayog tungod nga maaram na ini han sitwasyon han syudad.
Nagsuggest an alkalde nga mas maupay lugod nga dugngan an pwersa han mga ini.
Photo by: Jennifer Sumagang
