Madinaeag-on ag manami do impact sa mga stakeholders ro ging himo nga Capability Demonstration Exercise it Joint Task Force Boracay sa New Coast -Savoy Hotel ko Martes.
Daya ro pagpahayag ni Rowen Aguirre, Malay Executive Assistance ag Head ko Task Force sa pakikipag-angot it raya nga estasyon.
Suno kana nalipay do mga stakeholders bangod nga may mga makaraya gali nga aktibidad sa isla para nga maprotektahan do Boracay kontra sa anuman nga mga terrorism act.
Nasayuran nga full force gid ro tanan nga government forces maghalin sa bilog nga probinsya it Aklan, Region 6, Visayas ag mga nagapatuman it seguridad sa Boracay.
Ro aktibidad hay matsa minatuod gid nga may naga himo it pagkinagamo sa isla ag kung paano nanda raya marespondehan.
Samtang mabahoe man do pagpasaeamat it LGU Malay sa mga nagpartisipar sa raya nga exercises nga first time paeang ging himo sa Boracay ag madinaeag-on nga hapatuman.
Tuyo ko raya nga Capability Demonstration Exercise nga maging preparado sa mga posibleng matabong kinagamo nga himo it mga terrorist group kapareho sa ibang lugar ag nasyon.
