*General Santos City— Patay ng nakit-an ang usa ka caretaker sa carwash nga nahimutang sa Prk. 8, Brgy. Katangawan ning dakbayan sa Gensan human kining gipuspusan ug gahi nga butang.*
*Ang biktima nailang si Rizalito Arcania, 22 anyos nga stay-in sa maong lugar.*
*Sa imbestigayson sa kapulisan, nakit-an nalang ang biktima nga nagahigda ug nagkadugo ang ulo nga hituuhang hinungdan sa iyahang kamatayon.*
*Saysay sa mga testigo sa lugar, uwaheng nakit-an ang biktima sa payag nga ginatulugan niini nga nakig-inom sa usa ka Jeger Diamale apan wala na kini sa maong lugar dihang nakit-an ang patay’ng lawas sa biktima.*
*Gisuwayan pa ug pangita si Diamale sa gipuy-an niini sa Silway 8, Polomolok, apan base sa pamahayag sa kabanay niini, sayo sa buntag dihang mipahawa ang nasangpit.*
*Gituuhan sa kapulisan nga tulog ang biktima dihang kini gipuspusan rason nga wala makabantay.*
*Sa karon, padayon pang gipangita sa kapulisan si Diamale nga gikonsioderang nag-unang suspek sa maong krimen.*
