Bacolod City – Patay ang isa sa mga duha ka ginapatihan nga carnapper sang ila ma-engkwentro ang kapulisan sa Virgo St. Sharina Heights, syudad sang Bacolod kagab-i.
Suno sa hepe sang Police Station 6 – Chief Inspector Jovil Sedel, nga ila una gin-respondehan ang tawag sang isa ka concerned citizen nga may yara sang suspicious persons sa isa ka abandonado nga balay sa Donia Juliana Subdivision.
Didto na-abtan sang kapulisan nga gina-himos sang duwa ka lalaki ang ginpang-chop chop nga itom nga salakyan.
Sang makita sang suspek ang mga katapo sang Police Station 6, gilayon sila nga nag-sulod sa balay kag nag-agi sa kisame kag naglapos sa pihak nga balay kag nag-tuyo nga magpalagyo.
Apang, ginlagas naman sila sang mga pulis tubtob maka-labot sa Virgo St. Sharina Heights sa diin dito na nagluntad ang shoot-out.
Patay ang isa sa mga suspek nga ginkilala sa kay Mark John Pabila, resdente sang Barangay 29, Bacolod City kag Brgy. Malingin ciudad sang Bago.
Samtang, ang upod ni Pabila ang wala pa sang identity kag padayon nga gina-bulong sa Corazon Locsin Montelibano Memroial Regional Hospital matapos nga maka-angkon sang pilas sa tuo nga paa kag kamot.
