Luzon

Ipinagtanggol ni Senador Liela De Lima Pastoral Letter ng Catholic Bishops Conference Committee o CBCP kaugnay sa war on drugs ng Duterte administration na binasa sa mga isinagawang Banal na Misa. Umaasa si De Lima na ang nasabing Pastoral Letter ay magsisilbing wake up call sa aniya'y bangungot na dinaranas ng ating bansa dahil sa patayan at kawalan ng puso ng pamahalaan sa mga mahihirap na biktima ng tokhang.

Kinumpirma sa DZXL RMN NEWS ng isang Filipino Community leader sa Najran, Saudi Arabia ang patuloy na palitan ng mortar sa pagitan ng Saudi Forces at Houthi rebels ng Yemen. Anila, nababahala na naman sila lalo na't kamakalawa ay may nakalusot na dalawang bomba sa city proper at may tinamaang tindahan ng medical supplies.

Matapos ang sunog sa House Technology Industries building sa loob ng Cavite Export Processing Zone , pinasisiyasat ng Gabriela Partylist sa House Committee on Labor and Employment ang naturang insidente. Sa house resolution 747, binigyang diin ng Gabriela Partylist na mahalagang malaman kung sumunod sa occupational and health standards ang HTI.

Halos 3 buwan na lang ang nalalabi at matatapos na ang pagpaparehistro para sa Barangay at SK Elections na nakatakda sa Oktubre 23, 2017. Dahil diyan, tuloy tuloy ang satellite registration ng COMELEC para hindi na mahirapan ang mga botanteng magparehistro sa mismong COMELEC offices.

Hindi pa rin maaaring basta-basta na lamang arestuhin ang mga pansamantalang nakalaya na mga lider ng NDFP political consultants. Ito ang binigyang diin ni Atty. Edre Olalia, legal consultant ng NDFP negotiating panel makaraang wakasan na ng gobyerno ang pakikipag-usap sa mga komunista.