Davao City – Himuon ugmang adlawa (June 23, 2020) ang online launching sa child protection policy modules sa pagpanguna sa City Government of Davao kaabag ang Department of Education (DepEd).
Sumala ni Davao City Mayor Sara Duterte-Carpio nga usa sa sa mga nahisgutan labot sa rape and sexual abuse mao ang kakulangan sa kahibalo sa kabataan sa ginatawag nga ‘bad touching’ ug ‘safe touching’ sa mga taong makihalobilo kanila.
“Nagduol ta sa DepEd and naghangyo ta sa ilaha nga kung pwede maapil sa eskwelahan na matudlo sa mga bata na pag naay stranger or bisan dili stranger sa imuha nga adunay mga ginabuhat, dapat ma-identify dayon sa bata nga this is wrong,” saysay sa Mayor.
Matud sa alkalde nga kung magbaton na og igong kahibalo ang bata, aduna na kini kapalibidad nga mo-report sa iyang magtutudlo, sa iyang ginikanan o sa barangay aron gilayong ma-aksyonan ang iyang problema.
RadyoMaN Kirby Manzon
