Davao City- Giimbistigahan na karon sa City Health Office (CHO) ang pagkalanag sa 13 ka estudyante sa Holy Cross High School Mintal Campus nga nahitabo 4:30 sa hapon kagahapon.
Kini ang gikumpirma ni City Health Sanitary Inspector Gino Caingles atol sa interbyu sa DXDC RMN Davao kaniya pinaagi sa telepono karong lang buntag.
Sigun ni Caingles nga miabot kanila ang taho labot sa pagkalanag sa mga bata human nakakaon sa kwek- kwek nga ilang napalit sulod sa canteen sa eskwelahan alas 10:00 kagahapon sa buntag.
Gilayon gidala ug naadmitar sa ospital sa Holy Spirit Hospital Mintal gabii ang mga estudyante apan anaa na na sila sa luwas sa makuyaw nga kahimtang human nadapatan og tambal.
Matud ni Caingles nga karon lang buntag nagpadala na sila og ilang Sanitary Inspector aron imbistigahan ug ma-istablisar ang hinungdan ngano nalanag ang mga bata sa kwek-kwek.
RadyoMan Joel Viray
