BACOLOD CITY – Nagapahanumdum ang City Health Office sa publiko nga dapat ipa-bilin ang katinlo sa palibot kag mag-practice gid sang proper hygiene agud nga malikawan ang paglapta sang bacteria kag mga viruses.
Ini matapos sang report nga lima ka tuig nga bata nga lalaki ang napatay bangud sa suspected meningococcemia.
Suno kay OIC City Health Officer – Dr. Grace Tan nga base sa report sang iya surveillance officer, negatibo sa meninggococcemia virus ang bata apang sa gihapon ila gina-hulat ang medical result kag laboratory result halin sa Corazon Locsin Montelibano Memorial Hospital sa diin didto napatay ang bata.
Paathag ni Tan, nga dapat ipabilin nga matinlo ang aton ilabi na ang mga lugar nga may yara sang kabata-an bangud nga madasig naman malatnan sang virus ang mga bata bangud man manubo ang ila resistensya.
Napatay nga bata sa isa ka barangay sa Bacolod sa diin suno kay Dr. Grace Tan nga ila na ginhatagan sang antibiotic ang mga himata sang bata samtang ginsuspend man ang klase kag gindis-infect ang private pre -school kun sa diin naga-eskwela ang biktima apang subong nga adlaw balik normal na ang sitwasyon.
Ginhilanat kag nagpalanuka ang bata Biernes sang aga kag sang Sabado ini ang gindala sa private hospital antes gin-admit sa Regional Hospital matapus gin pakitaan sang mga sintomas sang meningoccocemia.
Ini ang napatay sang Domingo sang hapon, November 12, 2017 kag gindala sa Sagay City kahapon sang udto kag didto ginpalubong sang pamilya.
