Hugot nga nanawagan karon ang City Department of Interior and Local Government kon DILG sa mga ginikanan nga unta motabang sa pag-edukar sa mga kabataan nga likayan ang paggamit sa mga pabuto ning panahon sa pasko ug pagsugat sa bag-ong tuig.
Matud ni City DILG Director Jane Ducallos nga gikinahanglan nila ang tabang sa katawhan niining tinguha sa mga otoridad nga maminusan ang firecrackers related injuries o malikayan nga dunay casualty sa paggamit sa pabuto.
Gipahinumdum usab niini ngadto sa mga mamaligyaay sa pabuto nga likayan ang pagbaligya og pabuto ngadto sa mga menor de edad kay gidili kini sa balaod.
Dugang hangyo niini sa katawhan nga unta matabangan sa pagbantay aron dili makalusot ang pagbaligya og mga gidili nga mga pabuto sama sa piccolo nga maoy nag-unang hinungdan sa firecrackers related injuries sa milabayng mga tuig.
