CLUSTERING UG SUNDAY LOCKDOWN, GINATUN-AN NA SA LGU GENSAN

87

General Santos City— Ginatun-an na karon sa LGU-Gensan nga ibalik ang clustering ug lockdown matag adlaw nga domingo subay na usab sa hangyo sa ubang sektor ingon man mga pribadong doktor.

Sumala kang Gensan City Mayor Ronnel Rivera nga nauna na silang nagpahigayon ug panagpulong uban ang mga opisyal sa barangay ug sa karon, anaa na sa Local IATF ang pag-draft sa posibleng resolusyon bahin niini. Pagpaklaro ni Mayor Rivera nga ilaha usab kinahanglang i-balanse ang epekto niini sa ekonomiya, apan dili pwedeng mamahimong uwahe ang ilahang desisyon o mag-una depende sa resulta sa imbestigasyon sa mga Doktor sa posibleng local transmission sa syudad.

Dugang sa Mayor, gawas sa clustering ug lockdown matag adlaw nga domingo, abli ang lokal nga panggamhanan sa posibleng pagdeklara ug lockdown sa tibuok syudad. Apan iyahang giklaro nga adunay duha ka rason nga mamahimo lang nga magdeklara ug lockdown ang tibuok Gensan higayon nga dili na ma-trace ang gigikanan sa virus sa mga residenteng nag-positbo sa covid-19.

Ikaduhang rason, higayon matud pa nga makita na ang kakapoy sa mga frontliner ug magamit na halos ang tanang resources sa dakbayan o dili ba kaha mugawas na nga adunay local transmission ang Gensan.

Kalabot niini, gibutyag ni Mayor Rivera nga sa karon nagpabiling manageable ang sitwasyon sa kaso sa covid 19 sa Gensan, kung asa nauna ng gitanggal ang zonal lockdown sa Barangay Bula.

Apan pagpaklaro niini nga sa higayon matud pa nga makita nga dili na kaya sa pwersa sa LGU sama sa BCCF ug ang contact tracing team kinahanglan na gyud nga mu-aksyon ang lokal nga panggamhanan. Kung makita nga aduna nay Local Transmission ang Gensan, kinahanglan na gyud nga ipa-ilalom sa lockdown ang dakbayan aron nga mapugngan ang pagkatag sa virus.(LVR)

Facebook Comments