Roxas City, Capiz- Ginpaidalom na sa Code White Alert Status ang tanan nga mga health facilities sang gobyerno sa bilog nga Western Visayas may kaangut sa igapatigayon nga SK kag Barangay Election sa maabot nga Mayo 14, 2018.
Base sa memorandum nga ginpaguha ni DOH VI Regional Director Dr. Marlyn W. Convocar, epektibo ang nasambitan nga alert status halin Mayo 7 tubtob Mayo 21, 2018.
Suno kay DOH-Capiz Information Officer Mr. Joeffrey Espiritu, ini ang bilang antisipasyon sa anuman nga mahanabo nga emerhensiya ukon aksidente sa tion sang eleksyon.
Sa idalom sang Code White Alert Status nagakahulogan nga ginapahanada ang mga personnel sang mga government health facilities kaangay sang mga RHU kag mga ospital.
Ginapa-standby man ang mga Emergency Response Team(ERTs) para sa deployment anuman nga oras.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
