General Santos City–Dako karon ang kompyansa ni Col. Eduardo Gubat ang Commanding Officer sa Joint Task Force Gensan nga dili malutsan sa mga dautang elemento ang syudad human nga dunay nahitabong mga pagpamomba sa mga silingan mga probinsya.
Sumala pa niini nga anaa sila karon sa high alert status aron nga makasiguro apan sa ila matud pang mga nakuha nga impormasyon sa mga sakop niini sa field nag pabiling luwas ang syudad ug wala silay namonitor nga nakasulod nga terorista.
Gani gipaniguro niini nga kung aduna man silay mamonitor ug duol lang sa ilahang area ilaha na kining unhan ayha pa maka-abot sa syudad.
Samtang gipasabot usab ni Col Gubat nga sa karon bisan naka-high alert ang kasundaluhan wala usab sila naga over react sa ilahang ginahimo nga siguridad kini aron nga dili magpanic ang katawhan.
Nihangyo usab kini ug pagsabot ngadto sa mga motorista nga buot mosulod sa syudad nga magbalon ug taas nga pasensya tungod sa mga check points nga ilahang ginapatuman alang usab sa kaluwasan sa tanan.(Dave Silagan)
