Comelec Davao mag-abli pag-usab sa voter’s registration karong Lunes

Davao City – Ablihan pag-usab sa Commission on Election (COMELEC) Davao City, ang rehistrasyon alang sa bag-ong mga botante nga musalmot sa piniliay sa Barangay ug Sangguniang Kabataan sunod tuig.

Matud ni Melissa Ventic, COMELEC Davao City 1st District, andam na ang ilang buhatan aron mandawat og bag-ong mga botante nga magparehistro sugod karong adlaw’ng Lunes.

Segun ni Ventic, ang gikinahanglang kagamitan sama sa application form ug uban pa andam na ug mao na kini ang i-apud-apud sa mga magparehistro nga maglungtad hangtud Enero 31, 2023.

Sumala sa maong opisyal, abli ang ilang buhatan gikan Lunes hangtud Sabado ug mga holidays gawas sa Disyembre 24, 25, ug 26 karong tuiga. Gitambagan daan ni Ventic, ang mga bag-ong botante nga magparehistro nga magdala og valid Identication Card o Birth Certificate aron ma-kwalipikado sa rehistrasyon alang sa Barangay ug SK election sunod tuig.

RadyoMaN Joel Viray

Facebook Comments