Kalibo, Aklan – Arestado sa ginpatigayon nga buy-bust operation kabii it alas 11:30 rong sangka computer shop attendant sa may Calachuchi Road, Andagao, Kalibo, Aklan.
Rong suspek nakilaea kay REYMARK MACAVINTA y INADO, 27-anyos, a.k.a “RM” residente it Brgy. Tabangka, Numancia, Aklan ag temporary nga istar sa Vizcara Subdivision, Andagao.
Natigayon nga maaresto si Macavinta matapos nga magbaligya 1 plastic sachet nga may sueod nga busoe, bueak ag dahon it ginapatihan nga marijuana kabaylo it P 1,000.00 pesos nga buy-bust money, kamana man ginpatigayon dayon rong body search ag nabuoe pa gid sa biktima rong 1 silver Samsung nga may mga transactions, improvised tooter nga may residue pa it ginapatihan marijuana.
Ginpatigayon rong buy-bust operation ko mga taga Aklan PDEU, Aklan PPO-PIB, Aklan HPG, Kalibo PNP ag PDEA 6.
Si Macavinta hay detained sa lock up cell it Kalibo PNP ag magapangatubang it kasong pagbayolar it Sec. 5 ag 12 it Article II kung R.A. 9165 ukon Comprehensive Dangerous Drug Act of 2002.
