TACLOBAN CITY – Ginpamumusil patay han diri pa makilal-an nga suspek an computer science student han Visayas State University (VSU) ha Brgy. Guadalupe Baybay City, Leyte, alas 9:00 kabag-i.
Basi han report, ginkilala an biktima nga hi Ronie Recilla, 24 anyos, taga Butuan City, Caraga.
Sumala han mga classmates ngan kasangkayan han biktima, nalingkod daw la hi Recilla ha gawas han unibersidad samtang kapot-kapot iton iya cellphone han tigda nga may umagi nga suspek ngan pusilon an biktima.
Waray man daw kaaway hi Recilla ngan diri pa hira maaram kun ano an motibo han suspek ha ginbuhat nga krimen.
Waray pa magpagawas hin official statement an unibersidad han nahinabo nga insidente.
Ha nakuha nga impormasyon han RMN, nagdako hi Recilla ha Agusan Del Norte ngan bumalhin hira ha Butuan City ngan pagkadto ha Baybay City in nagboboard hiya ha iya uncle boarding house.
Nagpapadayon an imbistigasyon han mga kapulisan han nahinabo nga insidente.
