New Washington, Aklan — Dead on arrival sa Panay Health Care Hospital rong sangka construction worker matapos nga barilon ko ana man nga isig ka construction worker kahapon it hapon sa Brgy. Jugas, New Washington, Aklan.
Ro biktima nakilaea kay Jhonny Ningal, 52-anyos tubo it San Luis, San Isidro, Pampanga nga nakaangkon it tama sa waea nga butkon nga eumapos sa waea it kilid nga gintunaan it anang kamatayon.
Samtang rong suspek nakilaea kay Rondon Narciso, 32-anyos ag residente it Brgy. Cabayugan, Malinao, Aklan.
Tanan ra sanda hay mga trabahador kung National Housing Authority nga makita sa Brgy. Jugas.
Sa makaron suno kay PO1 Valencia it New Washington PNP hay padayon ro anda nga ginapatigayon nga follow up investigation para nga masayuran gid kon ano rong motibo sa nasambit nga krimen ag sa posibilidad nga pagkadakop kung suspek bangud nga at-large pa raya.
