Davao City – Nagmungtar og ‘Holding Area’ ang Southern Philippines Medical Center (SPMC) aron masanta ang pagkuyanap sa coronavirus disease (COVID-19) nga posibleng motakod sa mga tawong dunay tuyo sa ospital.
Giiingon ni Dr. Jalken Dayo, ang bisan kinsa makitaan og sintomas sa COVID-19 otomatiko ipaagi sa holding area diin dunay duha ka lugar sa holding area nga nakamuntar sa entrance ug exit point sa emergency room sa SPMC.
Ang tanang masuta nga dunay hilanat, ubo, sip-on, ug luya ang panglawas, gilayon sitahon sa security guard ug ipasulod sa disinfectant area pagkahuman mulahos sa travel history room aron ma-interview sa doctor.
Dugang ni Dr.Dayo, kung makumpirma nga dunay travel history dayon kini dad-on sa traumatic section diin himoon ang dugang pang mga proseso alang sa 14 days quarantine apan kung mag-negatibo sa COVID-19 ang usa ka tawo dinha pa tugotan makasulod sa ospital ang usa ka tawo o pasyente.
RadyoMaN Joel Viray
