Davao City – Walay ipatuman nga lockdown ang City Government of Davao panahon nga muabot ang laing surge sa Coronavirus Disease 2019 (COVID-19) cases dinhi sa syudad diin kini gilauman sa musunod nga mga bulan tungod sa Omicron sub-variant.
Matud ni Davao City Mayor Sara Duterte-Carpio (sa livestream interview sa iyang Facebook page), dili na magpatuman og lockdown sa dakbayan diin kini nakalatid usab sa Executive Order (EO) No. 11 Series of 2022 nga una nang gipagula sa lokal nga panggamhanan.
“Ang atoang direction for this upcoming surge (sa Omicron sub-variant) is that wala gihapon ‘tay lockdown and (allowed ang) home isolation sa mga dili nanginahanglan og hospitalization,” sulti sa alkalde.
Sumala ni Mayor Sara, kinahanglan lang ang agresibong pag-awhag sa 18 anyos pataas nga magpa-booster labi na kadtong aduna comorbidities pagpangandam sa laing hugna sa surge sa COVID-19 cases.
RadyoMaN Kirby Manzon
Facebook Comments
