COVID-19 TF: COVID-19 surge sa Davao nasinatian na

45
Davao City – Gikumpirma sa Davao City COVID-19 Task Force (TF) nga nasinatian na karon sa syudad sa Davao ang surge sa Coronavirus Disease 2019 (COVID-19) cases.

Sumala ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), nga subay sa ilang obserbasyon gikan Enero 3, 2022, nagkataas ang 7-day moving average sa kaso sa COVID-19.

“From the time nga nagbaba ‘ta, almost always 100% ang pagtaas (sa COVID-19 cases) on a daily basis. Then, now from previous day gidoble ang atong cases. Therefore, we can say nga naa na gyud ‘ta sa surge,” sulti ni Schlosser.

Matud ni Schlosser nga kini usab ang posibleng rason nga gipailawom ang syudad sa mas istriktong alert level asa gipailawom ang dakbayan sa Alert Level 3 sugod kagahapong adlawa (Enero 14, 2022).

Una na nga gisulti sa health official nga ang surge resulta sa mass gatherings o sa mga aktibidad sa milabay nga holiday season.

RadyoMaN Kirby Manzon

Facebook Comments