Makato, Aklan — Dead on arrival sa Aklan Provincial rong sambilog sa mga sakay it isuzu crosswind matapos nga maaksidente kahapon hapon sa national highway kung Brgy. Dumga, Makato, Aklan.
Nakilaea rong namatay kay Robert Cano, 30-anyos ag taga Janiuay, Iloilo.
Base sa imbestigasyon it Makato PNP nga halin sa Caticlan ag paadto it Iloilo rong biktima ag anang ap at ka mga kaibahan bangud nga nag Ro-Ro ra sanda ag samtang naga biyahe pag abot sa natabuan it aksidente hay nadueaan it kontrol ro driver nanda nga si Alexander Canobo, 43-anyos it Janiuay, Iloilo ag bumaliskad ro saeakyan.
Nakaangkon it grabeng lastro sa tiyan ro biktima matapos nga maigpit.
Nasayuran man nga bago bumaliskad rong saeakyan hay may hinapit pa nga sangka naka park nga motorsiklo ag sumunggab pa gid sa sangka puno it indian mango.
Ginapatihan nga nahakatueogan rong driver rason nga naaksidente ra sanda.
Insigida nga gin respondehan it mga taga Mdrrmo Makato rong aksidente ag insigida nga gindaea sa hospital rong biktima ugaling gindeklara raya nga dead on arrival it doktor samtang gin refer man sa OPD rong ap at matapos nga mataw an it nagakaigong pagbueong sa naangkon nga minor injury.
