Bacolod City Mayor Evelio Leonardia nag pagwa sang Executive Order No. 57 nga naga paidalom sa syudad sang Bacolod sa General Community Quarantine (GCQ) sumugod September 1 tubtob 30, 2020.
Ang EO ang kasunod man sa rekomendasyon sang national IATF sa pagpahamtang sa syudad sa GCQ.
Sa Section 18 sang EO 57, nakasaad ang pagpalip-ot sang CURFEW HOURS, sa kinaandan nga 8 PM-4 AM, ini ang maga sugod na sa las 10 sang gab-i tubtob las 4 sang kaagahon nga magasugod Setyembre 1 tubtob 15, 2020.
Partially lifted man ang LIQUOR BAN, sa Section 19 sang EO sarang na nga makabakal, baligya kag makainom sang alcoholic beverages sa oras sang las 12 sang hapon tubtob las 6 sang hapon kag ang pag-inom sang makahulubog nga ilimnon ang mahimo gid lang sa sulod sang balay ukon pribado nga lugar basta nagasunod sa social distancing kag nagakaigo nga health protocols.
[image: image.png]
