Dakong landslide ang nahitabo sa Sityo Balubal, San Isidro, Talakag, Bukidnon mga alas singko kagahapon sa hapon.
Kini ang gikompirma ni Ronald Radasa, ang Volunteer Against Crime and Corruption sa Barangay San Isidro.
Matud ni Radasa nga dako kaayo og problema sa mga sakyanan sa lugar tungod kay anaa sa kalsada nagtambak ang yuta gikan sa bukid.
Dugang pa ni Radasa nga nahitabo ang landslide, kagahapon
Samtang aduna nay gihimo nga pamaagi ang Local Government Unit kon LGU sa Talakag, Bukidnon aron nga masolosyunan ang problema.
Kini ang gibutyag ni Police Lt. Ramil Pagara- ang Deputy Station Commander sa Talakag Police Station.
Matud ni Pagara- nga nagdala na og backhoe ang LGU ug payloader aron nga maoy mohakot sa yuta.
Dugang pa ni Pagara nga target karon sa LGU nga makahatag og dalan bisan og one way lang aron nga maoy agian sa mga sakyanan patabok padulong sa syudad.
Samtang dili pa makompirma ni Police Lt. Ramil Pagara- sa Talakag Police Station.
Kung linog ang hinungdan sa pagdahili sa yuta sa San Isidro.
Matud ni Pagara sa iyang nasabtan, humok ang yuta sa area tungod sa pagsige og ulan-ulan.
Dugang pa ni Pagara nga sa dihang nahitabo ang landslide, walay kusog nga ulan gawas lang sa pagpanalithi.
