South Cotabato– sikop ang usa ka tricycle driver samtang nakasibat ang kaubanan niini atol sa gihimong buybust operation sa Sitio Badac, Barangay Saravia Koronadal City niadtong nakalabayng adlaw.
Suspek giilang si Joselito Marillosa “alyas Taba”, tricycle driver, residenti sa Barangay San Roque Koronadal City. Ang suspek nga nakasibat giilang si Isaac Mapambucol ”alyas jong-jong” , residenti gihapon sa Koronadal City.
Nakuha gikan sa nasikop nga suspek ang (2) ka sachet, sa gituohang shabu ug (3) ka open sachet nga may residue pa sa suspected shabu, ingon man mga shabu paraphernalia’s.
Sa karon giandam na sa kapulisan sa Koronadal ang pagpasang-at ug kasong kalapasan sa Republic Act 9165 o Comprehensive Dangerous Drugs Act of 2002 batok sa nasikop nga suspek ug sa kaubanan niining nakasibat.
