Davao City – Nagpahigayon na karon ang City Government of Davao og repopulation sa mga binuhing baboy human nga wala nay natalang kaso sa African Swine Fever (ASF) sa syudad sa Davao.
Sumala ni Davao City Mayor Sara Duterte-Carpio (sa livestream interview sa iyang Facebook page), subay sa surveillance ug monitoring sa mga barangay ug palengke sa dakbayan, negatibo kini sa maong sakit sa baboy.
“Sa mga test surveillance and monitoring nila sa barangays and sa markets no more ASF. So, nag-deliver sila’g sentinel animals in Calinan para mag-repopulate napud,” butyag sa alkalde.
Kahinumduman, Pebrero 2020 sa dihang adunay mga barangay sa Calinan District ang nasudlan og ASF diin gilayong nagpahigayon og depopulation aron dili na mukatag pa ang sakit.
RadyoMaN Kirby Manzon
Facebook Comments
