Davao swab test libre gawas kung ‘personal use’

46
Davao City – Giklaro sa Davao City Coronavirus Disease 2019 (COVID-19) Task Force (TF) nga libre ang swab test dinhi sa Davao City, gawas lang kung kini for personal use.

Sumala ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), libre ang swab test kung ikaw F1, F2, o F3 close contact sa usa ka positibong kaso sa COVID-19.

Wala usay bayad ang swab test kung ikaw nakasinati sa influenza-like illness (ILI) o kaha COVID-related symptoms. Libre usab kini kung ikaw mukuha og health card sa syudad. Apan, makonsidera na nga for personal use kung kini gamiton alang sa rekisitos sa biyahe diin sagad kini ginahimo sa private laboratories.

“If in case if it’s for personal use, we will not cover it kay dili man na cover sa gasto sa gobyerno. The only cover sa gasto sa gobyerno is kung kinsa ‘tong mga natan-awan nato na posibleng naay COVID positive,” sulti ni Schlosser.

Matud sa health official nga abri ang Sta. Ana swab site alang sa F1. Magsaysay swab site alang sa DQR, F2 ug F2. Crocodile Park ug People’s Park alang sa health card. Samtang, abri usab ang mga swab corner sa matag distrito sa dakbayan sa Davao alang niini.

RadyoMaN Kirby Manzon

Facebook Comments