Davao City – Gipaniguro sa Davao City Overland Transport Terminal (DCOTT) nga magbaton og igong seguridad sa terminal labi na sa umaabot nga Undas kun Kalag-kalag.
Sa interbyu sa DXDC RMN Davao kang Aiza Usop, Manager sa DCOTT, gibutyag niini nga bisan pa man og mingaw ang Undas sa syudad human gipasirado ang mga menteryo sa City Government of Davao ug sa uban pang Local Government of Units (LGUs) sa ubang probinsya, wala giubos sa DCOTT ang ginapatumang seguridad.
“Ang atoang seguridad diri sa atoang DCOTT terminal, of course, the more nato nga gitutokan kay dili gyud ‘ta muhatag og kumpyansa despite nga mingaw ‘ta pero kabalo ‘ta nga ang Kalag-kalag is a very special day sa atong mga kaigsoonan nga mga Christian,” saysay ni Usop.
Gilusad na usab ang Oplan Biyaheng Ayos: Undas 2021 sa Department of Transportation (DOTr) ug Land Transportation Franchising and Regulatory Board (LTFRB) diin kini nagtumong sa paghatag og assistance sa publiko sa alang sa luwas, reliable ug komportable nga biyahe panahon sa All Souls Day ug All Saints Day.
Sa Oplan Biyaheng Ayos, adunay himuong inspeksyon sa mga terminal, diin dinhi sa syudad mao ang sa DCOTT/Ecoland terminal diin magbutang usab og Help Desk.
Mag-inspection usab sa Digos City ug Tagum City Terminals.
Sa kasamtangan matud sa DCOTT Manager, normal pa ang biyahe sa mga bus diin anaa lamang sa 300
ka bus trips ang pinakadaghang matala matag adlaw.
RadyoMaN Kirby Manzon
