Sa interbyu sa RMN Davao kang Police Major Catherine Dela Rey, DCPO spokesperson nakatala og 157 ka kaso sa lugos sa tuig 2022 ubos kini kung ikumpara sa tuig 2021 nga adunay 170 rape cases.
Matud ni Dela Rey, gipakusgan nila ang information dissemination sa barangay level ug ginatudlo sa mga estudyante sa mga eskwelahan ang ‘bad touch ug good touch’.
Nasayran usab nga adunay mga insidenteng pagpangabuso sulod sa panimalay diin ang mga inahan nanarbaho sa lagyong dapit.
Sagad gihapon gapanghitabo ang rape sa mismong panimalay ug kaila sa mga biktima ang mga suspek.
Gibutyag sa opisyal nga gapanghitabo ang mga rape cases tungod kay easy access na ang mga pornographic materials sa online ug lango sa ilimnon ang mga suspek.
Gidasig sa DCPO-Women and Children Protection Desk nga idangop ug isumbong sa kapulisan ang pagpangabuso aron maaksyunan ug madakpan dayon ang mga responsable.
Matud ni Dela Rey sundon usab sa mga ginikanan ang 5minute rule, adunay 5 minutos ang ginikanan diha sa pagpakabana kung mawala man ang ilahang mga anak sa ilang mga panan-aw.
Dili usab magpataka’g salig og pagpabantay sa ilahang mga anak bisan pa ma’g kabanay ra kini.
RadyoMaN Aimee Guinita
