DCPO: Lockdown areas gibantayan

Davao City- Nakabantay ang kapulisan sa mga quarantine facilities ug sa mga gipang-lockdown nga mga lugar sa syudad.

Sumala ni Davao City Police Office (DCPO) City Director Police Col. Kirby John Kraft, aduna silay direktiba gikan sa health officials sa syudad nga ipatuman ang lockdown sa mga lugar diin adunay mga kumpirmadong COVID-19 cases.

Matud ni Kraft, gi-deploy ang mga pulis sa mga Temporary Treatment and Monitoring Facilities (TTMFs) aron malikayan ang insidente diin musibat ang mga pasyenteng positibo sa COVID-19.

Nanawagan kini sa publiko sa pagtuman sa Minimum Public Health Standard (MPHS) tungod sa on going COVID-19 surge sa Davao City ug likayan ang paglaroy-laroy o mga non essential travel kay gidili kini ilawom sa Alert Level 3.

RadyoMaN Aimee Guinita

Facebook Comments