Davao City- Gihugtan sa Davao City Police Office ang seguridad sa dakbayan sa Davao bisan pa man natapos na ang usa sa mga dakong selebrasyon sa syudad, ang Kadayawan Festival 2017.
Gibutyag ni PSI Ma. Teresita Gaspan, tigpamaba sa DCPO nga nagpabiling taas ang alerto sa kapulisan ilabina gilugwayan ang balaod militar sa Mindanao.
Kahinumduman, pila ka semana human ang Kadayawan Festival nahitabo ang pagbusikad sa Roxas Night Market nga mikalas og kinse ka mga kinabuhi sa tao ug kapin setenta ang samaran.
Sukad sa nahitabong pagpamomba nagpabiling doble alerto ang DCPO.
Sumala ni Gaspan nga mas gipakusgan pa nila ang ilang police visibility ug kanunay ang pagpatrolya sa kapulisan diha sa mga kadalanan.
Di pa lang dugay napugngan sa Task Force Davao ang pag entra sa mga high powered firearms atol sa checkpoint sa may Licanan, Brgy. Lasang Bunawan District.
Matud ni Gaspan nga sa kahugot nga gipatumang seguridad sa syudad maglisod na gayod og lusot ang mga dautang elemento.
Kasamang Aimee Guinita
