Kalibo, Aklan – Nag apela si DENR Secretary Roy Cimatu sa mga naga post sa social media na maging madahan.
Kasunod raya ko naging post it netizens angot sa natabong pagtapan ko bukid maeapit sa sangka eco-village multi-purpose gym sa isla it Boracay.
Gin klaro ni Cimatu nga rong picture it pagtapan ko bukid hay dati eon. Natabo suno kana ray bago pa umpisahan ro pagpasarado it isla.
Dugang pa nana nga indi na pagpahinugutan ro sin o man nga maging upang sa pagtinguha it gobyerno nga i-rehabilitate rong Boracay.
Seryoso suno kana rong ahensya nga ipatupad rong laye maskapin eon gid ro mga regulasyon nga ginpabakod it Boracay Inter-Agency Task Force kaeakip kara rong pagpapundo ukon total stoppage it ano man nga constructions sa lugar.
Bukas man sanda sa feedback sa publiko, kinahangean nga beripikado man raya para indi makatuga it ano man nga pagkabaeaka.
