Dep. Ed. South Cotabato may narekord nga may mga nabuntis na nga mga estudyante.

29

Ginkumpirmar ni South Cotabato Assistant Schools Division Supt. Mario Madrero nga may-yara sila sang narekord nga mga estudyante sa pipila ka mga eskwelahan sa probinsya nga nabuntis.
Apang indi naman suno pa kay Madrero makabig nga alarming ang kaso sang teenage pregnancy sa mga eskwelahan dire sa probinsya.
Ginsiguro niya man nga wala man nila ginadumilian nga magsulod sa klase ang mga nabuntis nga estudyante kundi ginabuligan pa ang mga ini paagi sa guidance conselor sang mga eskwelahan.
Samtang sa subong suno kay Sir Madrero ginakalipay sang pamunuan sang Dep. Ed. South Cotabato nga may mga lgu na sa subong nga amat-amat na nga ginadula ang pipila ka kultura sini partikular na sa early marriage kapareho na lamang sa banwa sang T`boli.

Facebook Comments