*Kalibo, Aklan-* Ro Pilipinas hay parte it Association of Southeast Asian Nations (ASEAN).
Dahil kara ro Department of Education (DepEd) Aklan hay ging taw-an it hayga ro ASEAN pamaagi sa pagsoksok ko mga national costume it mga nasyon nga parte kara makaron nga buwan ng Wika.
Suno kay Dr. Ernesto Servillon, Assistant School Division Superintendent Officer In-Charge Office of the Schools Division Superintendent, ging pasok-sok nana it mga nagakasari-sari nga costume ro mga maestra ag maestro sa anda nga Buwan ng Wika nga gina patigayon sa andang mga eskwelahan.
Daya hay pagpakita suno kana nga rong nasyong Pilipinas hay nakikipag-buylog man sa ibang ASEAN countries kung sa siin prayoridad man ngani it ASEAN do edukasyon.
Sa pihak nga parte gina ingganyo gid kara nana ro mga estudyante sa mga eskwelahan nga maghambae it Tagaeog (Tagalog) makaron nga buwan ng Wika dahil daya dong wikang Pilipino it Pilipinas.
Do “Buwan ng Wika” hay sambilog sa mga gina abangan sa tanan nga mga eskwelahan, mapa-elementarya, sekondarya, ag maging sa kolehiyo kada dag-on. Suno sa Komisyon it Wikang Filipino (KWF), do tema it selebrasyon makaron nga Agosto 2017 hay “Filipino: Wikang Mapagbago.”
