DepEd XI: 11 anyos paubos gitinguhang mabakunahan

36

Davao City – Naglaum ang Department of Education (DepEd) Region XI nga mabakunahan pag-apil ang mga kabataang nag-edad 11 anyos paubos konta COVID-19.

Sumala ni DepEd XI spokesperson Jenielito Atillo sa interbyu sa DXDC RMN Davao, kung mahimo malakip sa mga mabakunahan ang mga anaa sa grade school aron masegurong maproteksyunan kini batok COVID-19 ilabina karon nga daghan sa kabataan ang gitugotang makagawas na og makasulod sa mga malls ug establishments ilawom sa Alert Level 2 quarantine classification.

“Ang baruganan sa DepEd kung kaya ug kung pwedi mapababaan pa ang edad dili lang ma-limit to 12-17, because naa dinhi tong mas daghan nga populasyon sa mga kabataan nato. And because COVID-19 is still very much alive and present,” sumala niini.


Segun ni Atillo, aron dili usab mabalaka ang mga vaccinated nga mamahimong carrier sa COVID-19 nga matakdan ang mga dili bakunado diha sa mga pampublikong lugar.

Gisalig usab nila sa IATF nga makonsidera nga mabakunahan ang mga lower age groups. Nagpabilin nga ang magtutudlo pa lang ang required sa COVID-19 vaccination.

RadyoMaN Aimee Guinita



Facebook Comments