DepEd XI nilusad og imbestigasyon sa viral ‘gang’ mauling incident

Davao City – Nilusad na ang Department of Education XI ilawom sa Child Protection Committee og imbestigasyon sa nag-viral nga pagpangulata sa grupo sa mga kabatan-onan sa 12 anyos nga grade 6 student sa Brgy. Tuban, Sta. Cruz, Davao del Sur.

Sa interbyu sa DXDC RMN Davao kang Jenielito Atillo, DepEd XI spokesperson gitahasan na ang DepEd Davao Del Sur sa pagpanguna ni Asst. Superintendent Janeth Veloso aron aksyunan ug mahataga’g hinanaling tabang ang biktima.

Matud ni Atillo, tataw nga pasok sa Anti-Bullying Law ang panghitabo ug seryuso ang DepEd sa pagsulbad niini.

Gibutyag niini nga posibleng gang related kini tungod ang mga youth offenders alegasyong mga membro sa gang.

Nakita sa inisyal nga imbestigasyon nga panagbikil o bangi ang biktima ug ang grupong nangulata.

Matud niini, samtang gapaalim pa ang biktima sa nahiaguman niining mga injuries sa pagtabang og kulata kaniya, girekomendar nga ipailawom kini sa Alternative Delivery Mode of Teaching ug Learning Modular tungod usab sa isyu sa seguridad nga giatubang niini.

Sumala ni Atillo, ang Child Protection Committee ang musuta sa appropriate sanction o dangatan sa mga nalambigit sa krimen.

RadyoMaN Aimee Guinita