Kalibo, Aklan- Indi dapat magkahawag ro mga motorized tricycle ag pedicab drivers sa Aklan sa Department of Interior and Local Government DILG Memorandum Circular No. 2020-036: Prohibiting Tricycles, Pedicabs, and Motorized Pedicabs Operating on National Highways suno sa Highway Patrol Group o HPG- Aklan.
Ging pahayag ni Police Senior Master Sergeant PSMS Edmund Apellado hepe it HPG-Aklan, nga indi pa nanda ika-implementar ro nasambit nga DILG MC NO. 2020-036 bangud sa kakueangan it alternatibo ag secondary roads sa kabanwahanan it Aklan para magaserbing aeagyan it mga tricycles ag pedicabs.
Ginahinyo ni PSMS Apellado ro mga tricycle drivers nga maging disiplinado ag responsable sa pag agi sa national highways paagi sa paggamit ko outer most lane o pinagabinit nga parte it nasambit nga karsada para indi makadisturbo sa pag agi it mga 4 wheeler nga behikulo.
