DILG: Special election himuon sa Brgy. Datu Abdul sa kamatayon ni Brgy. Captain-elect Saquian

Davao City- Special election ang mulingkod nga sunod nga Kapitan sa Barangay Datu Abdul, Panabo City human gipatay ang nidaog nga Kapitan nga si Engr. Paul Albert Saquian.

Gibutyag kini ni Alex Roldan, Department of Interior and Local Government (DILG) Region 11 Regional Director atol sa Afp Pnp Presscon.

Sumala niini, kay wala pa ni-assume ang namatay nga biktima dili muepekto ang succession sa sitwasyon.

Makonsiderang Barangay Kapitan na gyud ang nidaog kung naka-take oath na kini ug nilingkod na sa pwesto.

Segun ni Roldan, technically tungod wala gyud hingpit makalingkod si Saquian dili pwedi ang first Kagawad o ang sunod nga taas ang boto nga nidagan ang mulingkod pagka-Kapitan.

Ang Commission on Elections (COMELEC) ang mupahigayon ug mag-set sa schedule para sa special election.

Samtang, wala pay nidaog sa special election nga kapitan pweding mag-appoint ang Mayor og Officer in Charge (OIC) sa maong barangay.

RadyoMaN Aimee Guinita